Ака уйăхĕн 13-мĕшĕнче Йĕпреçри 2-мĕш вăтам шкулта Йĕпреç тата Патăрьел районĕсенчи чăваш чĕлхипе литература вĕрентекенĕсен пĕрлехи семинарĕ иртрĕ.
Ядрицова А.А. «Яковлев халалĕпе пурăнасчĕ» мастер-класс ирттерчĕ. Пултаруллă вĕрентекен хăйĕн ĕç опычĕпе паллаштарчĕ, çитĕнĕвĕсем çинчен каласа кăтартрĕ. 8-10-мĕш класра вĕренекенсенчен йĕркеленĕ волонтёрсен ушкăнĕ уява ирттерме вăй хунă. Вĕсем тăван чĕлхепе сăвăсем вуларĕç, юрă-ташă шăрантарчĕç.
Мастер-класс хыççăн пĕрлехи семинар иртрĕ. Чи малтан Ефимов А.В шкул директорĕпе районти вĕрентÿ пайĕн методисчĕ Игнатьева А.А. сăмах илчĕç, Клементьева Л.Н., ассоциаци ертÿçи, районти вĕрентекенсен ĕçĕ-хĕлĕпе паллаштарчĕ. Патăрьел районĕнчи вĕрентекенсен çитĕнĕвĕсемпе ĕçĕ-хĕлĕ çинчен район методисчĕ Перепелкина Е.С. тата ассоциаци ертÿçи Кулакова С.П. каласа пачĕç. Семинар тухăçлă иртрĕ.