Ака уйăхĕн 27-мĕшĕнче, Чăваш Республикин вĕренÿ тата çамрăксен политикин министерствипе Чăваш Республикин вĕренÿ институчĕн Наци вĕренĕвĕн центрĕ Аслă Вĕрентекенĕмĕр Иван Яковлевич Яковлев çуралнăранпа 170 çул çитнине тата Чăваш чĕлхи кунне халалланă «Туслăх хĕлхемĕ» / «Искорка дружбы» республика  шайĕнчи фестивале ирттерчĕ.  

Фестивалĕн республика тапхăрне районта/хулара малти вырăна тухнă 400 яхăн ача «Сăмах илемĕ», «Чăваш вăййи», «Янра, чăваш юрри», «Чăваш ташши», «Чăваш апачĕ» номинацисенче тупăшрĕç.

Кăçал фестиваль Шупашкар хулин 2-мĕш пуçламăш шкулĕнче иртрĕ. Тупăшăва хутшăнакансене вĕренÿ институчĕн проректорĕ Светлана Петрова, 2-мĕш вăтам шкул директорĕ Алевтина Димитриева, «Эревет» пултарулăх ушканĕ (ертÿçи – Раççей Федерацийĕн тата Чăваш Республикин тава тивĕçлĕ ĕçченĕ Сергей Федотов), «Кăмăл» çемье ушкăнĕ (ертÿçи – Дина Кудряшова) саламларĕç.

Кашни номинацинче ачасен ĕçне компетентлă жюри членĕсем хакларĕç. Пирĕн районти Кĕлĕмкассинчи вăтам шкулта 3-4 класра вĕренекенсем  «Чăваш ташши» конкурсра призерсем пулса тăчĕç. Ертсе пыраканĕ – Александра Басманцева, Йĕпреçри ачасен искусствăсен шкулĕн вĕрентекенĕ.