Эйпеҫри вӑтам шкулта вĕренекенсем те тӑван чĕлхе, чӑваш чĕлхи, кунне уявларĕҫ: видероликсемпе презентацисем пӑхрĕҫ, чӑвашла сӑвӑсем вуларĕҫ.

 Чӑваш чĕлхипе литературине вĕрентекен Луиза Школьникова 6-мĕш класра тӑван литературӑпа уҫӑ урок ирттерчĕ. Урока итлеме вĕренекенсен ашшĕ-амӑшĕ те кӑмӑл турĕ.

"Ачасем, тӑван чĕлхене юратӑр, упрӑр, малалла аталантарӑр, аҫу-аннӳ чĕлхине нихӑҫан та ан тиркĕр, тӑван чĕлхене пĕтме ан парӑр. Чĕлхе пĕтмесĕр халӑх та пĕтмест!", - палăртрĕ урок вĕҫĕнче вĕрентекен.